السلام عليكم*
*ابي اقولكم عن بنت انخدعت*
بنت كانت طول عمرها بعز ودلال وكل شي تحصله وأي شي تتمناه يوصل وكانت حيل دلوعه فيوم من الأيام دشت ع نت ودشت شات وتمت تسولف مع شباب طبعا البنت اول مرة تكلم شباب قالها واحد من شباب :ممكن الايميل!! طبعا البنت أكيد ما قدرت ترده وقالت : اي !!وقالها شاب: يلا ضيفيني!! وخذت البنت الايميل سولفت وسولفت وفجأه قالها الشاب: ابي اشوف صورتج ؟؟ البنت انصدمت وقالت: لَا أنا أخاف أحط صوري ع المسن وانا ما أعرفك !! قالها: انتي حطي ابي اشوف شكلج الحلو...طبعا انقص ع البنت وقالت: أوكي.. وحطت ويوم شافه تم يقولها كلام والبنت صدقت وحبته واهوا باق صوره مرت الايام وقالها: ابي اسمع صوتج !!بس أهيا كانت خايفه حييل وقال: يلا جم رقمج .. قالت: 97... وعطته الرقم مرت الأسابيع والشهور وطلب منها انه يشوف صورتها بدون حجاب وطرشت الصوره عبر الفون .. المره الأولى بحجاب بس بالمسن والمره الثانية بالفون... المهم وكانت تطلع تتصل عليه وتقوله :أنا بمكان الفلاني بس لاتجي يمي خل أشوفك بس من بعيد ؟؟وقالها شاب: أوكي ... وكان هذا شاب بس يبي يلعب ع البنت ويبي منه شغله ويقطها واتصل عليها يوم من الايام وقال :يا فلانه ابي أشوفج بمكان الفلاني ونقعد بروحنا!! قالت البنت: أنا أخاف ولا مره سويتها في حياتي.. ولا يقولها الكلام ويقعد يساحلها لين رضت بالشغله قابلها بالمكان وقالها :تعالي معاي بسياره.. قالت :لَا أنا خايفة حييل!! ولا يقولها: علشان خاطري وركبت معاه سياره وتم ياخذ ويعطي وياها وبعدين قدم لها العصير وكان داخل العصير حبوب نوم شربت البنت العصير وبعد جم دقيقه حست بدوخه ونامت ع صدر الشاب ولا يضحك شاب والبنت مو بوعيها ويقولها :منو راح يأخذج بعدين!! وخلص شغله قط البنت يم باب بيتها والأم شافت البنت نايمه ومصدومه انه بنتها لابسه بجامت نوم ويم باب بيتهم ولاتقول الام : انتي شجايبج أهني ..جان تقول البنت :ما ادري يما شيابني أهني!! ولا تقولها: روحي روحي قبل ما أبوج يجي البيت ويشوفج يم الباب جذي !!ولا راحت الغرفه واتصلت ع شاب مره ثانيه ولا تقوله: الو شلونك ؟؟جان يقول: خير نعم شتبين !!ولا تقول :شفيك فلان أنا فلانه نسيتني ..ولا يقول: ادري الحين شتبين قلبي ويهج ولا أشوفج تتصلين علي فاهمه!! ولا تقول :ليش شفيك!! جان يقول :شوفي نفسج !!وتم يضحك يضحك واهيا قاعده تبجي ولا يقولها: روحي روحي يا (......) ....جان البنت انصدمت من الكلام ولا تصكه في وجه واهيا تبجي وتقطعت من البجي مرت الايام وبنت تحس بالشي بجسمها طاحت مريضه وقالت حق أمها انه أهيا تعبانه حيل ودتها المستشفى وسوت تحليل وراحت البيت وبعد جم يوم اتصلوا المستشفى ع أمها وخبرها انه بنتج حامل الام انصدمت من كلام الدكتور صكت الفون من كثر ما أهيا مصدومه جان تروح حق بنتها ولاتقولها: انتي كنتي مع منو!! جان تقول البنت:يما شفيج شقاعده تقولين.. جان تقول الام :منو هذا الشاب !!ولاتقولها: يما شقصدج ولاتقولها الأم:انتي حامل من منو!! ولا بنت تسكت ولا ام قامت تضربها وتقول :منو ولا تقول بنت :خلاص خلاص يمه أقولج وقالت لها كل سالفه ولا الام تقولها: عندج رقم تلفونه ولا تقول :اي يمه ولا الأم تنادي اخوها الكبير وخبرته عن سالفه وهم الآخو الكبير قام ضرب البنت ولا يقول: عطني رقمه بسرعه والبنت من كثر ما أهيا خايفه عطته واهيا ترجف واتصل عليه من تلفونه ولا يقوله: الو منو!! الأخ فلان ولا يقول اي ولا يقول الأخ : معاك فلان الفلان .. ولا يقوله شاب : حياك بغيت شي ... ولا يقول: اي بس انت ربحت معنا 2000 دينار تعال استلمهم بالمجمع الفلاني واذا ماتقدر انوصلك ياه لي البيت ... ولا يقول : لا احسن وصلوه بالبيت أنا منتظركم .. ولا يقوله له أوكي بس ممكن تعطيني العنوان البيت ... ولا يقول: أوكي ... ونقله العنوان طبعا راح الأخ لبيته وشاف البيت مافي احد غيره اهوا والبشكاره جان يفتح الباب وقام الأخ يضربه ويقول الشاب : منو انت شتبي أعرفك .. ولا يقول : أنا اخو فلانه عرفتها .. ولا يقول : لا ما اعرفها.... جان يقوم يضربه ولا البنت شافته ولا تقول : اي اخوي هذا اهوا ... ولايقول الاخو تتزوج اختي قصب فهمت وتستر عليها ولا أدمر خواتك كلهم ولا شاب خاف وقال : لا خلاص راح اخذها ....
مارضى ع خواته بس رضى ع بنات الناس ياريت البنات الي جذي يقرون هذي القصه والله راح يعرفون شنو اهما شباب بس مو كل شباب بعضهم ما ابي اظلم .. خليكم ع صراط ربكم ولا يقص عليكم الشيطان والله يكافينا من كل شر*
وانشالله تستفيدون من موضوع *
موضوع: بنت آآنخدعت..!~ 
السبت مارس 12, 2011 8:59 pm