تغيرنــــــا

السلام عليكم ورحمه الله وبركاته ~

اعزائي انا بدش في الموضوع على طول لأن السالفة الصراحة تقهر
وأبي مشاركاتكم وآرائكم الحلوة....
بصراحة انا اليوم ابا اعرف رايكم فسالفه الحجاب, من كم من سنة كانوا البنات كلهم محجبات تقريبا وكانوا قله اللي يطلعون قصص المهم مرت كم سنه وطلعت سالفه البف والكل قام يسويه كبير وصغير ولين الحين في ناس يسوونه المهم لاحظ حاليا خاصه فمولات دبي ان بعض البنات والمواطنات الاماراتيا صاروا بعباة بسسسسسس بدون وقاية والبجي للحين صامدون فسالفة البف والآخر لا وقاية ولا عباة مريحين
المهم انا بغيت اعرف ليش مجتمعنا وصل لهالمرحله يعني قبل يوم كانت البنت اتطلع قصه اتحس ان فيها شي غريب حتى لو شفتها بنظره تحس على دمها واتدخل شعرها لكن الحين صار هالشي عيني عينك
اللي خلاني افتح هالموضوع اني من كم يوم كنت فمول فأحد الامارات وشفت كذا ربيعه لي اللي من ايام المدارس واللي كانت ساكنه حذالنا واللي اتصيرلنا من بعيد وانصدمت الصراحه ان الكل كان مطلع شعره فقلت فعمري هل انا الغلط فيني والا فيهم مع العلم اني اعرف ان هالشي حرام وانه يغير من عاداتنا وتقاليدنا نحن الاماراتيا
انا عندي 20 سنه بس قاعده اشوف اشيا غريبه عجيبه بنات كانوا ينصحزن غيرهم والحين صاروا هم اللي يطلعون شعرهم
شيء آخر أثارني قبل كان قله ما أشوف ريال يمشي مع حرمته وهي مطلعه شعرها وعافسه ويهها الحين قمت اشوف رياييل هم وحريمهم الحرمه مسوية بف ومب مخلية لون ومب محطيتنه فويها ليش وين نخوتنا نحن العرب؟؟ وين الرجولة ؟؟ وين حياء السيدات العرب والبنات؟؟ هل الدين قل؟؟



ها هذا زمن التفاخر بالمعصية ؟؟ الزمن كله يتغير من حولي هل انا تخلفت عن القوم والا مخي جديم رغم اني 20 سنه بس الصراحه الشي يخبل الزمن تغير بسسسسسرعه فظيعه يعني انا من تقريبا سنتين كنت في المدرسه الصراحه مدرساتنا غير يعني المخورة الغاوية و الوقاية ع الراس وتشرح بذمة وضمير
انا الحين تخصصي انجلش تيتشن وانحطيت فنفس الموقف رحت مدارس من مختلف امارات الدوله الوقاية مب ع الراس حتى للمديره هل هالشي هو اللي خلى البنات والجيل اليديه انه يتساهل فهالامر؟؟ هل خلى الاولاد يحسون انه شي عادي يشوفونه من مديره المدرسه والمدرسات والله في مدرسات يسيرون المدرسه جنهم سايرين عرس انا ما اقصد اني ابخس في البنات او في المدرسات لا بالعكس في ناس محترمه
انا مع بعض الاشيا اللي قلتها بس خاطري اعرف ليش هالتغيير المفاجأ اللي صار شسالفه بالضبط كل شي تغير صح الزمن يتغير بس هل الدين يتغير؟؟ العادات؟؟ التقاليد؟؟ أحلى الايام؟؟ العفة؟؟ الرجوله؟؟

ليش تغيرنــــــــــا؟؟؟؟؟؟؟

آسفه ع الاطاله

الامثله من وحي التجربة وما يبت شي من عندي
احترامي للجميع