بصراحة انا تعرضت لهالمواقف من قبل وهي تفرق بحسب الشخص اللي يصارحك وحسب اسلوبه اممممم مثلا انا من النوع الي عادي عندي حد يقول لي عيوبي بس بيني وبينه او ع المسن ويكون بأسلوب عدل مب بدفاشه جنه يهاجمني وفنفس الوقت انا ايلس ابرر انا ليش تصرفت جيه او ليش هالعيب فيني بالاساس واوعده اني ان شاء الله بتغيير وايلس اتأسف لاني من النوع اللي وايد يحس بالذنب وايلس اتأسف سنه عادي عندي بس ما ارقد وانا ضميري مأنبني لاني زعلت حد او ضايجت حد بأسلوبي وووو انا طبعا من الناس اللي اعرف عيوبي واعترف ابها يعني اذكر مره تصرفت بشكل مش اوكي مع وحده وحليلها البنت ما زعلت وخذت السالفه بضحك لاني اصلا كنت اسولف بس زودتها شوي بس يوم رديت البيت حسيت بتأنيب الضمير فطلبت رقم البنت وطلبت ايميلها ويوم دشيت اتأسفت لها مليووووووووون مره واعترفت بغلطتي يعني باختصار ما احب ارقد حد زعلان ولا ارقد نفسي زعلانه
بس ساعات يكون الشخص اللي يبا يخبرني عيوبي يبا يستفزني بالاساس ويرمسني بنفس خايسه هاييج الساعه انا اعصب واتنرفز واظارب لانه محد له الحق يهاجمني ويرمسني بهالاسلوب وطبعا في شي اسمه أدب وانا ما احب حد يعاملني معاملة انا ما استخدمها بالاساس فأبدء أصحح له ألفاظه وهذا الشي يخليه ينتبه انه قاعد يجرحني واني انزعج من اسلوبه
موضوع: ادخلوا ابي رايكم ؟>>> نقاااش 
الأربعاء يونيو 03, 2009 8:33 am
